Fréttir

Sætaferðir til Ólafsfjarðar á Sjómanndag. Enn er nóg af sætum. Þeir sem eru búnir að skrá sig hafa forgang. Allir velkomnir svo lengi sem sætapláss leyfir. Farið frá Torginu kl. 11:30 og heim aftur milli 17:00 og 18:00 allt eftir óskum farþega. Ferðafélagið Trölli Ólafsfirði býður uppá stutta og skemmtilega skoðunarferð um Ólafsfjörð fyrir farþega. Hoppukastalarnir vinsælu verða auðvitað á staðnum auk fleiri leiktækja frá slökkviliðinu og björgunarsveitinni.

Fjallabyggð getur státað af tveimur lögum í sjómannalagakepnni Rásar 2 og Hátíð hafsins. Lagið mamma er flutt af Roðlaust og beinlaust, söngur er í höndum Magnúsar G. Ólafssonar og Sævars Sverrissonar.  Einnig er lagið Fullur sjór af síld, eftir Sigurð Ægisson, en Miðaldamenn sjá um flutning og er söngur í höndum Þorvaldar Halldórssonar og Gylfa Ægissonar. Hægt er að hlusta á lög kepnninnar á www.ruv.is/poppland og kjósa það lag sem þér þykir best.

Byggðastofnun hefur gengið frá styrkveitingum og hlutafjárframlögum vegna mótvægisaðgerða ríkistjórnarinnar til eflingar atvinnuþróunar og nýsköpunar 2008 og 2009. Í fyrri frétt okkar yfirsáust okkur tveir styrkir að upphæð 3.000.000 kr. hvor svo heildarstyrkupphæð til fyrirtækja í Fjallabyggð er því 25.250.000. Það má því segja að slagorð Fjallabyggðar "Fjallabyggð er frumkvöðull" eigi vel við. Alls voru 200 milljónir króna til úthlutunar, 100 milljónir fyrir hvort ár. Alls bárust 253 umsóknir samtals að fjárhæð 1.528. mkr. Alls hlutu 69 verkefni styrk. Nokkrar umsóknir eru til frekari skoðunar. Hæstu styrkina hlutu Þóroddur ehf. vegna uppbyggingar seiðaeldisstöðvar í Tálknafirði, JE-Vélaverkstæði ehf. Siglufirði, vegna þróunar á nýrri gerð af snekkju og Vélfag ehf. í Ólafsfirði til þróunar og smíði roðvélar, 5 milljónir hvert verkefni.

Golfklúbbarnir í Fjallabyggð hafa gert með sér svokallaða fríspilssamning. Um er að ræða samning þess eðlis að félagsmenn á öðrum hvorum staðnum geta spilað frítt á hinum vellinum ef þeir vilja.

Eins og fram hefur komið hér hjá okkur eru framkvæmdir í gangi á lofti sundlaugarinnar á Siglufirði og ganga framkvæmdir vel. Af gefnu tilefni viljum við benda á að það verður opið í ræktina, heita pottinn og sturtur á meðan að á framkvæmdum stendur. Áætlaður verktími er til 5. júlí.

Eins og nær flestir í Fjallabyggð vita á að halda glæsilega afmælisveislu á Siglufirðir á morgun. Við hvetjum alla íbúa Fjallabyggðar til að koma og skemmta sér saman. Við minnum á ókeypis rútuferðir frá Ólafsfirði. Boðið verður uppá skipulagða skoðunarferð um Siglufjörð fyrir rútufarþega. Rútan fer frá Tjarnarborg kl. 11:30 og aftur heim kl. 17:30verðum því komin heim fyrir Eurovison Dagskráin